.
A ONG Briegal participou na misión de apoio e resposta humanitaria despregada tras o terremoto rexistrado en Venezuela, co obxectivo de colaborar nas tarefas de busca, rescate e asistencia á poboación afectada.
Durante a intervención, o equipo de Briegal integrouse nun dispositivo internacional de emerxencia, achegando a súa experiencia en operacións en contornos complexos e o seu compromiso coa axuda humanitaria. A misión estivo marcada pola dureza da situación sobre o terreo, a magnitude dos danos e a necesidade de actuar coa máxima coordinación co resto de equipos presentes.
Aínda que neste tipo de emerxencias o tempo transcorrido tras o seísmo e as condicións do entorno poden limitar as posibilidades de atopar superviventes, o labor dos equipos despregados resulta esencial para apoiar á poboación, avaliar danos, localizar persoas e contribuír á resposta organizada ante a catástrofe.
Desde Briegal queremos trasladar o noso recoñecemento a todas as persoas e entidades implicadas nesta intervención, así como expresar a nosa solidariedade coa poboación venezolana, que continúa afrontando as consecuencias deste grave episodio sísmico.
A ONG Briegal reafirma así o seu compromiso coa cooperación internacional, a resposta en emerxencias e o traballo solidario alí onde a súa intervención poida resultar útil para salvar vidas, aliviar o sufrimento e acompañar as comunidades afectadas.
